IMaR 2024
IMaR 2024 er alþjóðleg ráðstefna haldin á vegum Verkfræðideildar Háskólans í Reykjavík í samstarfi við Verkfræðingafélag Íslands. Viðfangsefni ráðstefnunnar er sjálfbærni í áhættusömum heimi. Í kjölfar IMaR verður Dagur verkfræðinnar 2024.
Ef þú ert stjórnandi, fjárfestir, vinnur í stjórnsýslunni á landsvísu eða á sveitarstjórnarstigi, stundar ráðgjöf, hannar mannvirki eða ert einfaldlega einstaklingur sem hefur áhuga á að kynnast því sem hæst ber á sviði sjálfbærni, nýsköpunar, stjórnunar og stórvirkja skaltu ekki missa af IMaR ráðstefnunni 2024.
Aðalfyrirlesarar á IMaR 2024 eru Dan Gardner og Gilbert Silvius. Dan Gardner er höfundur metsölubókarinnar “How Big Things Get Done” sem var tilnefnd sem “Business Book of the Year” bæði hjá Financial Times og The Economist. Bók Dan Gardners og Bent Flyvbjerg “How Big Things Get Done” ætti að vera skyldulesning fyrir þau sem taka ákvarðanir um stór fjárfestingarverkefni. Hinn aðalfyrirlesarinn er Dr. Gilbert Silvius sem er einn þekktasti frumkvöðull Evrópu á sviði sjálfbærrar verkefnastjórnunar. Verk og hugmyndir Dr. Silvius hafa aldrei skipt meira máli en einmitt nú.
Ekki missa af IMaR 2024 ef þú vilt:
- Hlýða á heimsþekkta fyrirlesara fjalla um sumar af mest aðkallandi áskorunum samtímans.
- Tengjast öðru fólki sem hefur áhuga á því sem hæst ber í heiminum nú um stundir við frábærar aðstæður á Hótel Hilton Nordica.
- Fá innsýn í hugmyndheim framtíðarinnar frá sjónarhorni sjálfbærni, nýsköpunar, áhættu og stórvirkja.
- Fá tækifæri til að ræða við suma af leiðandi fræðimönnum og frumkvöðlum Íslands og Evrópu s.s. Sjólaugu Árnadóttur, Andreas Wald, Per Svejvik, Hjálmar Gíslason, Ellu Stengler svo fáein séu nefnd af fleiri en 20 áhugaverðum fyrirlesurum.
Skipuleggjendur IMar 2024
Verkfræðideild Háskólans í Reykjavík í samstarfi við Verkfræðingafélag Íslands.
MPM námið við HR.
CORDA rannsóknasetur við HR